تسليت بنرين ايرشادين قاباغيندا گورنده باشيم دوندي ، گؤزلريم دولدي ، خبر چوخ آجي آما گرچئك ، بير آذربايجان ايگيتي آراميزدان كوچدو ، يالقيز جينابلاري دونياسين دئييشدي.
يالقيز دان 3 ديرلي اثر گلجك نسل لره ياديگار قالدي : جیغان ویغان، چیغیر باغیر و چال ها چال
ایکی جان آواره سی
بیر قانلی اوره ک چیرپینیری قان آراسیندا
بیر قانلی اوره ک چیرپینیری قان آراسیندا
ویرنیخمادادیر قالمیش ایکی جان آراسیندا
هجرانه دؤزوب یا کی چالیشسین چاتا وصله
آواره قالیب وصل ایله هجران آراسیندا
چوخ جان آتیری جانینی جانانه یئتیرسین
سین_ سین گزیری عالم امکان آراسیندا
فکریم یول ایتیرمیش غریب آواره دی سانکی
حیران دولانیر برّ و بیان آراسیندا
گون باتمیش اذان دیر دئیه سن قاش قارالیبدیر
یول اَیریمی بیر قورخولو اورمان آراسیندا
ال اوزمه لی یَم یا یئنه ده دؤزمه لی یَم من
تدبیر قیلین بو ایکی بحران آراسیندا
بیر خیردا گیلایه یئکه لیر اولسون عداوت
بیر عؤمر یئر ائتسین ایکی جانان آراسیندا
جاندا دا مایا قویمالی اولساق یئری واردیر
تا صلح یارانسین بوتون انسان آراسیندا
یوخ غصه سی بیر گون ده کوسولسه دوشونن دوست
لازم دی اوموب_ کوسمه ده خوبان آرسیندا
بیر سام یئلی اسجک او کی بیزدن الین اوزدو
اوندان نه اوماق قورخولو طوفان آراسیندا
حق وئرمه لی ییک حق لی یه هر کیمسه اولا حق
زور قانونو جنگلده دی حیوان آراسیندا
نقد اولسادا آنجاق ائله دوزگون گرک اولسون
بیر کلمه ده هئچ اولمایا بهتان آراسیندا
بهلول کیمی من ده آغاجی اَت کیمی سوردوم
هارون لارا سؤز ساپلادیم عنوان آراسیندا
بیر گون گله جک یالقیز آدین قالمیش اؤزون یوخ
ائللر دئیه جک آدینی دستان آراسیندان
سندن قالاجاق قالسا بو اوچ یئرده نشانه
آرشیو ایله ویترین ایله دیوان آراسیندا
شاید ده سنین شکلینه هیکل یوناجاقلار
ائللر گؤره جک شهرده میدان آراسیندا
یالقیز
هیچ نظری موجود نیست:
ارسال یک نظر